Privatësia, gjurma e punësimit dhe fshirja e llogarisë
Kush i sheh të dhënat tuaja
- Profilin dhe CV-në nga portali i shihni vetëm ju.
- Kompania sheh atë që i dërgoni me aplikimin në shpalljen e saj.
- Nëse e theksoni profilin, kompanitë e shohin me emër, kontakt dhe CV, ndërsa agjencitë pa to derisa ta pranoni kërkesën e tyre.
- Funksionet AI marrin profilin dhe tekstin e CV-së pa emër, email dhe telefon.
Gjurma e punësimit
Kur një kompani ju punëson përmes SeleKtivo, në llogari regjistrohet kompania dhe muaji i punësimit. Te „Cilësimet” zgjidhni çfarë shohin të tjerët në profilin e theksuar: emrin e kompanisë dhe datën, vetëm që jeni të punësuar dhe që kur, ose asgjë. Kompania që ju ka punësuar nuk e sheh profilin tuaj të theksuar.
Fshirja e llogarisë
- Hapni „Cilësimet”.
- Shkruani fjalëkalimin aktual dhe konfirmoni fshirjen.
Fshihen llogaria, profili, shpalljet e ruajtura dhe CV-ja nga portali. Kreditet e papërdorura humbasin. Aplikimet që u keni dërguar kompanive mbeten te ato kompani; për fshirjen e tyre drejtojuni kompanisë.